அன்பிற்கும்  உண்டோ ?

பூமியில்
இருந்து
பீறிட்டுக்கிளம்பிய
நீருற்று -
அன்பில்  நீ


கலையாதே !!!

கண்விழிக்கும் வரை
கனவு எப்படி
உண்மையோ
அப்படியே
நான்
கண்மூடும் வரை
நம் காதலும்

வாழ்த்து 

ஐந்தருவிகளில்                                
பொங்கி வழிவதுபோல்
அகப்பையிலிருந்து
ஆசீர்-
உயர்த்திய  உன்
வலக் கையில்                                                          
இருந்து


உண்மை !!!

அவன்
அணைந்துபோன
பிறகுதான்
தெரிந்தது
'விளக்கும்  எரிவதில்லை
பிராணவாயு இல்லாமல் '
என்று

எச்சரிக்கை

அதிகாரப் பன்றிகள்
வெளுத்து வாங்கின-
கோவணத்
துணிகளை

முதுகெலும்போடு .....

( தென்னம் )
பிள்ளைக்காக
எவன் காலிலும்
விழாத
தென்னை

ஆ.......டு 

மேக
மந்தைகளை
மேய்ந்த
ஓநாய் -
காற்று

பக்தி 

கரைந்துவிடுகிறது
பனித்துளி-
பிரார்த்தனையில்

முடியும் 

தாவிப் பறித்தான்
தன்னம்பிக்கையோடு-
நட்சத்திரங்களை

சிரிப்பு 

எப்போதாவது
சிரிக்கும்-
சிலர் .
எப்போதுமே
சிரிக்கும்-
மலர்

முடியும்......

விடா முயற்சிக்கு
உதாரணம்
ஓடை
ஓ.......  டும் -
விழுந்தும்,
எழுந்தும்.

எச்சரிக்கை  

எதுவும் செய்யும்-
கரைவேட்டியும்,
கரை தாண்டும்
வெள்ளமும் 

கண்டுபிடித்தேன்! கண்டுபிடித்தேன்!! 


மகிழ்ச்சி மிகுதியில்
நானாகவே
பேசினேன்,
பாடினேன்,
சிரித்தேன்,
ஆடைமறந்து ஓடிய
ஆர்க்கிமெடீசைபோல

காதலர்கள் 

பருவக்காற்று
வீசத்தொடங்கியதும்
நனைந்தார்கள்
குடைபிடிக்காமலே
காதல்மழையில்

ஒற்றைப்பனை 

பிரதி எடுக்கவில்லை
பிரம்மச்சாரியாகவே
நான்

ஏன்?

குளிர்ச்சியில்
மேகத்திற்கு
வியர்த்துக் கொட்டியது -
மழை


கச்சேரி 

ஒத்த
அலை வரிசையில்
காதல் -
சங்கீதம்


வேர்.... ஆசை 

வேர்விட்ட
புல் தரை
நினைவுக்கு
வருகிறது - அது
மிதிப்படும்போது -
'ஆசையே
துன்பத்திற்குக்
காரணம்' என்று சொன்ன
புத்தரை


பணம் பத்தும் .......?

எட்டுப் போடாமல்
வாங்கிய உரிமம்
பத்துப்போட
வைத்துவிட்டது -
பலத்த அடி 

சிந்திப்போம்...

காணவில்லை
சுமை தாங்கிக் கல்லையும்,
மூத்த குடிமக்களையும்-
முதியோர் இல்லங்கள்
முளைத்த பிறகு


கல்லுக்குள் ஈரம் 

தொழில் நுட்ப
வளர்ச்சியில்
தோற்றுப்  போனது
வாழ்க்கை -
கண்ணீரோடு
சுமை தாங்கிக் கல் 

போதை 

காலிக் குவளையும்,
போலிக் கவலையும்
தடம் மாறவும்,
தடுமாறவும்
வைக்கிறது-
நம்பிக்கையால்
நிரம்பாதவர்களை   

முரண் 

சிரித்தால்
ஆயுள் கூடும் -
ரோஜாவுக்கு???

விட்டு வைப்போம்

கை,
கால்,
உடல்,
தழையை
துண்டு
துண்டாக்கியபோது,
துடிதுடித்துப் போனேன்
பேரோடும், புகழோடும் போன
பெரிய மனிதனைவிட,
வேரோடும்,  வேரடி மண்ணோடும்
வெட்டி வீழ்த்தப்பட்ட மரத்தை நினைத்து. 

உண்ட வீட்டிற்கே .......

பரிமாறியது
இலை
பிராணவாயுவையும்,
நிழல் பாலையும்-
கோடரியோடு
மனிதர்கள்
மரத்தடியில்



துறவு 

காவி
தரித்ததும்
காற்றோடு
காற்றாய்,
மண்ணோடு
 மண்ணாய்,
மனிதனுக்கு
உரமாய்-
இலை

இளமை

காய்ந்துபோகாமல்
கனவுகளும்,
ஈரத்தோடு
இதயமும்,
இளமையோடு
நானும் -உன்
குறுநகை
கசிவதால்.

நம்பிக்கை 

நம்பிக்கையில்லாமல்
நாட்களை
நகர்த்துவதில்லை
நத்தை



ஆதரவு 

தீ தீயாகவும்
இருப்பதில்லை
நீ நீயாகவும்
இருப்பதில்லை-
அணைத்த பிறகு

விவசாயம் 

வயல்வெளிகளில்
விரிவாகப்
பேசியது ஆறு
தலையாட்டின
பயிர்கள்-
புரிந்துகொண்டதாய்

பெருங்....காயப்  பை 

பார்வை
தூர்ந்துபோனபிறகும்
வற்றவில்லை
 நினைவு நீரோடை 

அண்ணா

அண்ணா 

என் அறிவுக்கு எட்டியவரை 

அண்ணாந்தே பார்த்தேன்

 கழுத்து கடுக்க 

அவ்வளவு  உயர்ந்தவர் 

அண்ணா !